Најмалку 20 патници загинаа во судир на автобус и возило што превезувало патници во Нигерија, соопштија денеска локалните власти и полицијата.
-Дваесет луѓе загинаа, а нивните тела се целосно изгорени, изјави неименуван локален функционер.
Несреќата се случила вчера, во областа Ибарапа. Дошло до верижен судир меѓу автобус и возило со патници, при што се запалил.
Локалните власти соопштија дека до судирот дошло поради брзо и невнимателно возење.
Полицијата потврди дека бројот на загинати е 20.
Во Нигерија, најнаселената земја во Африка со околу 210 милиони жители, често се случуваат сообраќајни несреќи. Во јули 30 лица загинаа во северозападниот дел на земјата во судир на два автобуси и автомобил.
„Тоа беше фатална несреќа. Има над 20 човечки тела целосно изгорени“, рече Гбенга Обалово, претседател на областа Ибарапа.
„Тие имаа директен судир, а возилата се запалија, не успеавме да ги извадиме сите луѓе“, рече тој.