На Твитер се споделува видео од војник кој паѓа покрај ковчегот на кралицата додека стои стража.
Несреќниот чувар колабирал во раните утрински часови покрај ковчегот што цела ноќ го разминувале Британци кои со часови чекале во редица за да и оддадат почит на починатата кралица.
На видеото кое стана вирално на интернет се гледа како чуварот се онесвестува од исцрпеност во раните утрински часови.
Изгледа дека мажот се сопнал пред да падне од бината, а неколку полицајци притрчале да му помогнат. Останатите дежурни стражари се чинеа дека не биле вознемирени од инцидентот и не се мрднале.
Британските медиуми пишуваат дека инцидентот се случил при менувањето на гардата. Би-Би-Си го прекина преносот од Вестминстер и покажа уште еден кадар.
A royal guard at the Queen’s coffin has collapsed. pic.twitter.com/7ROevcLEQ8
— Bad Automatons (@badautomatons) September 15, 2022
Илјадници Британци и синоќа продолжија да и оддаваат почит на кралицата Елизабета Втора, чиј ковчег е изложен во Вестминстерската сала во Лондон, а многумина чекаат во редици со часови низ центарот на Лондон.
Некои од нив спиеле на тротоарите, издржувајќи го дождот, за да си го обезбедат местото во линијата која се протегала од Вестминстерската сала до 15 километри, пренесуваат агенциите. Владините претставници не можеа да прецизираат колку луѓе чекаат на ред, но се верува дека до 16 часот имало 750.000.
Таа ни даде 70 години од својот живот“
Архиепископот од Јорк Стивен Котрел, обраќајќи им се на оние кои чекаат, рече дека тие слават две големи британски традиции – „љубовта кон кралицата и љубовта кон чиновите“. Меѓу насобраните има и такви кои пристигнаа во име на нивните постари родители, оние кои сакаат да бидат дел од историјата и оние кои сакаат да и се заблагодарат на жената која е на власт од 1952 година и извршуваше службена должност дури два дена пред да почине.
– Ни даде 70 години од својот живот – изјави Жаки Д’Арси, 63-годишен жител на Есекс, кој од синоќа чека на ред.
– Важно е да и оддадам почит на починатата кралица. И моите родители го сакаат кралското семејство и не можат да бидат таму. Значи, тоа е дупло, дојдов за мајка ми и татко ми, но и за себе – изјави Д’Арси.
„Таа беше втора мајка на сите“
Марк Бонсер (59) од Донкастер рече дека кралицата е втора мајка на сите.
– Ни даде 70 години од својот живот. Сигурен сум дека можам да издржам 24 часа од мојот живот за да и оддадам почит – рече тој.
Британски „Експрес“ пишува дека луѓето во солзи и оддадоа почит на кралицата откако со денови чекаа во ред за да го видат нејзиниот ковчег. Се верува дека некои Британци го зазеле своето место во редот дури и пред ковчегот да замине за Единбург викендот.
Откриени тајните знаци на кралицата Елизабета II
Еве какви сигнали им испраќала на своите телохранители за време на јавните настани
Кралицата Елизабета Втора почина на 8 септември и целото кралство и остатокот од светот ѝ оддадоа почит. По нејзината смрт медиумите пишуваат за тајните на дворот, деталите од животот на кралицата, односот со семејството и други помалку или повеќе познати работи од нејзиниот живот.
Не е тајна дека кралицата користела тајни сигнали за да комуницира во јавноста со членовите од нејзината придружба. Иан Скот Хантер, кој со години работел за кралицата му откри на светот каков сигнал давала таа кога била подготвена да замине од некој настан.
Имено, кралицата Елизабета Втора честопати беше видена во јавноста како става кармин на усните среде настан. Сега е откриено дека тоа не било обична случајност:
– Верувам дека по бонтон дамите не треба да прават гримаси во јавноста. Но, таа вадеше кармин од чантата и се шминкаше без огледало, а тоа ни беше знак дека е подготвена да тргне. По овој нејзин потег сите ќе се соберевме и се беше подготвено кога кралицата ќе станеше и ќе го напуштеше своето место. Исто така, освен карминот, како суптилен знак ја користеше и чантата. Ако ја префрлеше чантата од левото на десното рамо, тоа значеше дека е подготвена да го прекине разговорот со некого – објасни Хантер.