Видеото е на крајот од текстот.
Гостите на свадбата се збуниле кога виделе дека наместо младоженецот кон олтарот доаѓа ковчег. Она што следеше насмеа дел од гостите, но некои од нив останаа шокирани.
Во видеото објавено на социјалната мрежа TikTok, младоженецот беше снимен како пристигнува на својата свадба во црн ковчег, што ги натера некои од луѓето кои го гледале видеото да коментираат дека треба да му се даде „итно развод!“
Многумина го нарекуваа младоженецот со разни погрдни имиња со образложение дека тој нема почит кон идната сопруга или свадбената церемонија.
Новопечениот пар се соочи со многу критики по објавувањето на видеото, дури и откако објаснија дека темата на венчавката е – погреб.
Еден од гостите на свадбата ја снимил необичната венчавка, па сите ја виделе ’генијалната’ идеја на младоженецот. Тој беше донесен на церемонијата во црн ковчег.
Видеото, кое собра повеќе од осум милиони прегледи на TikTok, е насловено: „Дали е ова погреб? Не, вака мојот пријател реши да оди по патеката“.
Снимката, објавена на апликацијата од корисникот @tobz88, придружена со драматична музика која свири во позадина додека голем автомобил се приближува и вратите се отвораат, откривајќи ковчег со младоженецот внатре.
Сепак, тоа не беше баш готичка свадба бидејќи младоженците носеа бледо сиви костуми, а деверушите носеа лелеави фустани во боја на јоргован.
На видеото се гледа како се сопнуваат и се мачат под тежината на ковчегот додека го носат до местото каде што младенците ги кажуваат заветите.
Свадбарите гледаат со мешавина од интерес, љубопитност и шок. Најмалку еден од гостите може да се види како одмавнува со главата.
Откако ќе се спушти ковчегот, младоженецот го отвора капакот и излегува од ковчегот и се подготвува за свадбената церемонија.
Видеото гласи: „Кажи ми дека си драматичен без да ми кажеш ништо“.
Неговиот морбиден избор не беше објаснет, а реакцијата на невестата не беше снимена.
Сепак, краткиот клип секако предизвика контроверзии на апликацијата бидејќи парот беше критикуван за „непочитување“ на церемонијата на другиот.
Еден корисник се пошегува: „Јас и жена ми ќе се разведеме уште пред да можеме да кажеме дека се земаме“.
Друг напиша: „Сите беа толку засрамени, би се срамел и јас, без навреда“.
– За него би било подобро објаснувањето за ова чудо да биде дека неговиот живот не вреди да се живее пред да ја запознае невестата – се пошегува еден гледач.
@tobz88 Tell me you’re dramatic without telling me you’re dramatic. #wedding #walkingdowntheaisle #areyoukiddingme #getthefucouttahere #tildeathdouspart ♬ Rest In Peace – Dorothy