Вакво нешто ретко кој може да направи, особено на Балканот, на простор од поранешна Југославија. Но, кога се сака – се е возможно.
Во Никинци кај Рума, семејството Ранитовиќ е едно од ретките што ја одгледуваат најлутата, но и најмалата и најскапата пиперка на светот во Србија. Тие во интервју за РТС односно Светлана Глигориќ Ранитовиќ раскажува за какви сорти се работи, колку бараат да растат и колку се профитабилни.
Инаку, „мама чилито“, како што ја нарекуваат најлутата пиперка на светот, потекнува од Јужна Америка, никнува и расте бавно, а полн плод добива само на високи температури. Еден плод од шест милиметри тежи не повеќе од половина грам. Земјоделците тврдат дека високите температури се особено поволни за одгледување лути пиперки.
-Најмалата пиперка на светот се вика ‘ај чарапита’, инаку е и најскапа на светскиот пазар, нејзината цена, килограм сушена, оди и до 20.000 евра. Овде се одгледува лесно, нема проблеми, само што е толку мала, одзема многу време и многу е заморно да се берат – вели Светлана Глигориќ Ранитовиќ.
Светлана на почетокот купувала семе во странство, а најголемата инвестиција била стаклена градина. Овие растенија се отпорни на болести, не се прскаат со хемикалии, само им треба многу топлина и вода.
– Четири-пет години одгледувам лути пиперки, решив да го сторам тоа затоа што нешто треба да се направи, во Србија ги нема многу, само неколку ги одгледуваат и се многу интересни, секогаш има игра на бои, форми, пикантност, со нив можеш многу, можеш и да заработиш. Имам преку 80 различни видови, тоа се растенија од топлите предели, од Бразил, од Мексико, но и тука успеваат – вели Светлана.
„Каролина рипер“ расте и во Срем, најлутата пиперка во светот, која има околу два милиони мешунки, 100 пати повеќе од локалните феферони.
Овие плодови се здрави, но само кога се користат во мали количини. Се берат до октомври, а зимата најчесто ја чекаат во тегли.