Брајан Волш, сопругот на Ана Волш од Белград, која исчезна во САД, е обвинет за нејзиното у6иство, соопшти денеска обвинителството.
Според Окружното обвинителство во Норфолк, Волш утре ќе се појави на суд за да се соочи со о6виненијата, пренесува NBC Norfolk.
Ана Волш исчезна на први јануари рано наутро кога требаше да го напушти аеродромот Логан во Бостон на службено патување во Вашингтон.
Пријателката на Ана Волш, Србинката исчезната во Масачусетс, даде мрачно предвидување за тоа каде се наоѓа нејзината пријателка, две недели откако и се изгуби секаква трага.
Пријателите на Ана, Наташа Скај и Памела Барди разговарале за исчезнувањето на нивната пријателка додека полицијата ја продолжува истрагата.
На новинарско прашање дали веруваат дека Ана е жива или мpтва, Наташа Скај даде мрачно предвидување.
„Шансата е една во милион. Памела и јас ја познаваме лично, знаеме колку е независна Ана. Би нашла начин да допре до луѓето доколку нешто и се случи”, изјавила Наташа Скај.
Таа додаде дека, за жал, сè изгледа магливо и темно, особено кога некој го нема веќе две недели, кога социјалните мрежи и светот се поврзуваат толку брзо, со докази кои се појавуваат и полициски извештаи од ден на ден.
Скај забележала дека Брајан сопругот на Ана се однесува чудно и ретко бил со неа во друштвено опкружување.
Репортерот ја праша Скај за наводната политика на Брајан „без фотографии“ и забележа дека има малку фотографии од Ана на социјалните мрежи.
„Таа се криеше, навистина“, додаде Скај.