(ВИДЕО) Познатиот турски фудбалер плаче и моли: Ве молам помогнете, овде умираат луѓе – ова е страшно









(ВИДЕО) Познатиот турски фудбалер плаче и моли: Ве молам помогнете, овде умираат луѓе – ова е страшно




Бројот на загинати во денешниот катастрофален земјотрес во Турција и Сирија се искачи на повеќе од 2.300, од кои речиси 1.500 низ десет турски провинции. Се очекува бројките значително да пораснат во услови кога голем број луѓе остануваат заробени под урнатините.




„Размерите на катастрофата се широко распространети и разорни. Ресурсите не се проблем во пронаоѓањето на преживеаните, туку времето. Ние сме во трка со времето. Имаме радари и сензори за топлина, но луѓето мора да се спасат пред дополнително да се влошат временските услови“, изјави советникот на турскиот претседател Ердоган, Инур Чевик.




Светот е потресен по веста за разорниот земјотрес кој ја погоди јужна Турција.




Легендарниот турски фудбалски голман, Волкан Демирел, кој моментно е тренер на прволигашот Хатајспор преку социјалните мрежи побара помош за жителите на областа најпогодена од разорниот земјотрес.




„Ве молам помогнете. Овде сите се очајни, во Хатај сите умираат. Ве молам, ситуацијата е многу лоша. Не можеме да допреме до луѓето. Им треба помош, Боже, помогни. Испратете ги сите ресурси што ги имате. Не се само Хатај и Антакија. Ве молам, во име на Бога, овде умираат луѓе“ – вели Демирел во потресното обраќање.

error: Content is protected !!