Нова несреќа на патиштата во Македонија.
Воопшто не изгледа наивно, а на лице место веќе има полиција.
– Сообраќајка се случила денеска на патот Кавадарци-Плетвар, после „Камендолска спирка”, потврдија за МИА од СВР Велес.
Портпаролот на СВР Велес Ристе Самарџиев рече дека според првичната пријава, станува збор за два мотора.
Тој додаде дека полицијата се упатила на лице место и засега не може да даде повеќе детали.
Извадок на дел од дневни настани 03.09.2022
Министерството за внатрешни работи во текот на вчерашниот ден (02.09.2022) продолжи со засилените акциски контроли во областа на сообраќајот.На територија на град Скопје изречени се вкупно 157 мерки, меѓу кои за возење повеќе од дозволената брзина 13 санкции, 16 мерки за возење без возачка дозвола, 28 санкции за прекршоци што ги прават пешаците.Изречени се пет мерки за користење мобилен телефон, седум санкции за возење под дејство на алкохол, пет мерки за нерегистрирани возила, три санкции за минување на затворен сигнал (црвено светло)…
На 02.09.2022 во 12,30 часот на Граничен премин „Meѓународен аеродром“ Скопје од полициски службеници е приведен М.С.(39) од Р.Косово затоа што на пасошка контрола истиот приложил патна исправа на име М.Р.(32) од Р.Албанија при што било констатирано дека истиот се служи со туѓа патна исправа, а при извршениот преглед кај него била пронајдена неговата косовска патна исправа. Лицето е предадено на полициски службеници од Одделот за криминалистичка полиција за понатамошна постапка.
На 02.09.2022 во 19.30 часот во Полициска станица Центар В.Б.(21) од Скопје пријавил дека на ул. Крсте Петков Мисирков бил каснат од куче скитник.
На 02.09.2022 во 02.15 часот на подрачје на Центар, Скопје од полициски службеници од СВР Скопје лишен од слобода е А.З.(40) од Скопје затоа што кај него биле пронајдени таблети, грутчеста материја и тврд предмет за кој постои основано сомнение дека потекнува од сторено кривично дело. По целосно документирање на случајот ќе биде поднесен соодветен поднесок.
На 02.09.2022 во 22.30 часот во Градскиот парк на подрачје на Центар, Скопје од полициски службеници од Единицата за интервентна полиција при СВР Скопје лишени од слобода се Л.Г.(19) и Т.Н.(26), двајцата од Скопје затоа што кај нив била пронајдена марихуана. По целосно документирање на случајот ќе биде поднесен соодветен поднесок.
На 02.09.2022 во 12.00 часот во Полициска станица Карпош М.С.П.(38) од Скопје пријавила дека на ул. „Теодосиј Синаитски“ во Скопје била касната од куче скитник.
При спроведување на акциска контрола во Битола за санкционирање на точење на алкохолни пијалоци на деца на 02/03.09.2022 во времето од 22.00 – 02.00 часот, констатирано е дека од страна на вработено лице во колонијална продавница лоцирана на ул„Климент Охридски“ во Битола послужен е малолетник со алкохолен пијалок. Од страна на полициски службеници од ОКП – Отсек за општ криминал при СВР Битола ќе биде поднесена соодветна пријава.Контролите интензивно продолжуваат и во нареден период.
Вчера (02.09.2022) на територијата на СВР Битола спроведена e акциска контрола за санкционирање на возачи кои управуваaт возило со брзина поголема од пропишаната, при што санционирани се 20 возачи. Од нив 15 возачи ја пречекориле брзината во населено место, а 5 надвор од населено место. На сите прекршители изготвени им се соодветни поднесоци.
Извадок на дел дневните настани 02.09.2022
На 01.09.2022 во 17.00 часот во Штип, полициски службеници од СВР Штип го привеле Ш.Н.(30) од Штип. Тој бил баран по потерница од казнено-поправната установа Затвор Куманово поради бегство од затвор. Ш.Н., исто така, се сомничи дека во периодот додека бил во бегство од затворот извршил неколку кривични дела „тешка кражба“. По издадена судска наредба, бил извршен и претрес во неговиот дом и биле пронајдени повеќе предмети кои потекнуваат од кривичните дела. Лицето било спроведено во установата за доиздржување на казната, а по целосно документирање на случаите против него ќе биде поднесена соодветна пријава.
На 01.09.2022 во 18.00 часот во атарот на гостиварско Србиново, во месноста „Запоѓе“, полициски службеници на СВР Тетово-Одеделение за внатрешни работи Гостивар ги лишиле од слобода А.Д.(40), Ш.Д.(35) од ова село и Б.С.(41) од Република Албанија затоа што биле затекнати додека со моторна пила бесправно сечеле дабови дрва. Тројцата биле задржани во Полициската станица Гостивар, а одземена им е пилата и поголема количина дрва. Подоцна, албанскиот државјанин бил предаден во Отсекот за прекуграничен криминал, миграции, странци и реaдмисија за натамошна постапка затоа што го злоупотребил и туристичкиот престој на подрачјето. По целосно документирање на случајот против нив ќе биде поднесена соодветна пријава.
На 01.09.2022 во 19.15 часот на улица „Илинденска“ во Струмица, полициски службеници од Секторот за внатрешни работи Струмица го лишиле од слобода М.Ф.(26) од Струмица затоа што кај него била пронајдена и одземена марихуана. За настанот бил запознаен Јавен обвинител, а по целосно документирање на случајот против него ќе биде поднесена соодветна пријава.
На 01.09.2022 во 17.45 часот на подрачјето на Центар- Скопје, полициски службеници од Единицата за интервентна полиција при СВР Скопје го лишиле од слобода И.С.(24) од Штип затоа тоа што кај него била пронајдена и одземена марихуана. По документирање на случајот против него ќе биде поднесена соодветна пријава.
На 01.09.2022 во 16.30 часот во СВР Штип, од Казнено-поправната установа Затвор Штип било пријавено дека при претрес во просторија каде се сместени осудените лица П.Т., А.Д., И.С. и Ѓ.В. била пронајдена кафеава прашкаста материја и вага. Полициски службеници од СВР Штип излегле на местото и прашкастата материја и вагата биле одземени за понатамошна постапка. По целосно документирање на случајот ќе биде поднесен соодветен поднесок.
Во текот на вчерашниот ден (01.09.2022) Министерството за внатрешни работи спроведе засилена акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 217 возачи. Од нив 15 возила се движеле со брзина над 50 километри на час повеќе од дозволеното, а три возила се движеле со дури над 70 километри на час повеќе од дозволената брзина. Притоа 104 возила ја пречекориле брзината во населено место, а 113 надвор од населено место.
Министерството за внатрешни работи во текот на вчерашниот ден (01.09.2022) продолжи со засилените акциски контроли во областа на сообраќајот. На територија на град Скопје изречени се вкупно 162 мерки, меѓу кои за возење повеќе од дозволената брзина 24 санкции, 16 мерки за возење без возачка дозвола, четири санкции за прекршоци што ги прават возачите на мотоцикли. Изречени се 15 мерки за користење мобилен телефон, седум санкции за нерегистрирани возила, 11 мерки за непочитување на првенство на минување, пет санкции за минување на затворен сигнал (црвено светло), седум мерки за некористење сигурносен појас, пет санкции за прекршоци што ги прават пешаците…
Во текот на вчерашниот ден (01.09.2022) на територијата на СВР Битола спроведена e акциска контрола за санкционирање на возачи кои управуваaт возило со брзина поголема од пропишаната, при што санционирани се 28 возачи. Од нив 21 возачи ја пречекориле брзината во населено место, а 7 возачи надвор од населено место. На сите прекршители изготвени им се соодветни поднесоци.