Браво Македонија, браво Македонци: Околу 150 лекари од нашата држава се пријавија да одат на ПОМОШ во Турција









Браво Македонија, браво Македонци: Околу 150 лекари од нашата држава се пријавија да одат на ПОМОШ во Турција




Околу 150 здравствени работници од Македонија се пријавија да заминат во Турција за да помогнат при лекување на повредените во погодените подрачја од катастрофалниот земјотрес. Како што кажа минисерот за здравствпо Беким Сали, денеска ќе биде комплетитран списокот на доброволци и потоа ќе биде предаден во Центарот со управување и кризи (ЦУК).




„ЦУК понатаму, преку комуникација со турските власти и НАТО, ќе извести за расположивите капацитети и човечки и материјални. Јас би сакал уште вчера медицинските екипи да тргнеа кон Турција, но ги почитуваме протоколите и чекаме одговор за тоа што им е потребно“, рече Сали по посетата на Универзитетската клиника за хируршки болести „Св. Наум Охридски“.




Покрај здравствени работници понудени се и две комбиња специјализирани за интензивна нега, кои се добиени како донација за Клиниката за педијатрија.




„Тие две комбиња, комплетирани со два тима од доктор, шофер и медицинска сестра, се подготвени да заминат до погодените места. Имаме и список на лекови што ние го обезбедивме преку компании и донатори и тие се ставени на располагање, а турските власти по потреба ќе одобрат што им е неопходно за да ги испратиме кон погодените места“, рече Сали.




Во Турција веќе се отидени екипи од Пожарните бригади на Град Скопје, Струмица, Битола, Тетово и Штип.

(ФОТО) Скандал го тресе светот: Француско списание го исмева земјотресот во Труција и Сирија – погледнете што објавија









(ФОТО) Скандал го тресе светот: Француско списание го исмева земјотресот во Труција и Сирија – погледнете што објавија




Француското списание “Шарл Ебдо” објави карикатура во која го исмева земјотресот во Турција и Сирија, две земји кои се соочуваат со хорор, во кој загинаа илјадници луѓе.




Цртаниот филм, објавен на Твитер профилот на магазинот, прикажува срушени и оштетени згради, превртен автомобил и планини од урнатини, јавува Анадолија.




Во горниот десен агол на цртаниот филм е напишано „Земјотрес во Турција“, додека на дното на цртаниот филм е напишано „(Не беше ни потребно да се испратат тенкови“).




Франсоа Бургат, политиколог од францускиот национален центар за научни истражувања, оцени дека карикатурата „не е ништо друго освен срам“.




Повеќе од 7.800 луѓе загинаа во земјотресите со јачина од 7,7 и 7,6 степени според Рихтеровата скала што во понеделникот ги погодија Турција и Сирија, јавува АП.

Швајцарија прави голема РЕВОЛУЦИЈА: Нема да има плаќање во кеш – еве како ќе функционира се









Граѓаните на Швајцарија на референдум ќе одлучат дали сакаат да го задржат плаќањето во готово, откако беше утврдено дека се собрани доволно потписи за организирање јавно изјаснување.




Готовината полека излегува од употреба во многу економии, бидејќи електронските плаќања стануваат стандард за трансакции во дигитализираните општества, што ѝ го олеснува на државата да ги следи постапките на своите граѓани, според Free Switzerland Movement (FBS).




Здружението сака да се додаде одредба во швајцарскиот закон за валути, со кој се регулира како централната банка и владата управуваат со понудата на пари, дека секогаш мора да има „доволна количина“ банкноти или монети во оптек.




FBS соопштија дека собрале повеќе од 111.000 потписи од граѓани кои го поддржуваат референдумот за ова прашање, 11.000 повеќе од пропишаниот минимум од 100.000.

Што значи исфрлањето на парите во кеш?

Според швајцарскиот систем на директна демократија, доколку добие поддршка од гласачите, предлогот ќе стане закон, иако владата и парламентот мора да одлучат за неговото спроведување.




„Јасно е дека… исфрлањето на готовината не само што покренува прашања за транспарентност, едноставност или безбедност… туку носи и голем ризик од тоталитарен надзор“, рече претседателот на FSB Рихард Колер на веб-страницата на групата.




Според него, Швајцарија треба да ја преземе главната улога во одбраната на готовината во Европа, бидејќи инсистирањето на такви гаранции во ЕУ би вклучило „речиси невозможен“ процес за добивање дозволи од сите 27 земји-членки.




Трендот на безготовински плаќања силно се забрза за време на пандемијата со COVID-19, но тој е присутен од 2017 година, кога истражувањето на агенцијата Ипсос покажа дека на повеќе од една третина од Европејците и Американците не би им недостигал кешот, а дека 20 отсто од нив не го користете воопшто, според Reuters.

Цела Македонија во очекување: Проверете ги вашите сметки – сите би требало да имате или да добиете прилив, започна исплатата на Мој ДДВ









Цела Македонија во очекување: Проверете ги вашите сметки – сите би требало да имате или да добиете прилив, започна исплатата на Мој ДДВ




Претседателот на Владата на Република Северна Македонија, Димитар Ковачевски и директорката на УЈП Сања Лукаревска, денеска беа во посета на компанијата „Виталиа“ која како голем даночен обврзник значајно придонесува во буџетот на државата преку плаќање на придонеси и даноци по сите основи.




Премиерот Ковачевски посочи дека ваквите компании имаат значајно влијание на растот и развојот на економијата во земјата.




Повратот на ДДВ за 2022 година, изнесува над 727 милиона евра, така дополнително ја поддржуваме ликвидноста и конкурентноста на компаниите.

Многу важно е дека го зголемивме и повратот на ДДВ за граѓаните и тоа од 1.800 денари на 2.100 денари по тромесечие“ изјави премиерот Ковачевски.




Средствата од повратот на ДДВ преку проектот Мој ДДВ за последниот квартал од 2022 година почнаа да легнуваат на сметките на граѓаните кои скенираат сметки.




Државата од оваа година ќе враќа и до 2.100 денари за секој граѓанин кој скенира фискални, со оглед што е најавено зголемување на сумата од 1800 до 2100 денари за еден квартал.

Не е на арно работава: Започна да се тресе и Балканот – 3емјотрес во соседна Бугарија, ова се деталите









Не е на арно работава: Започна да се тресе и Балканот – 3емјотрес во соседна Бугарија, ова се деталите




Спасувачките екипи денеска ја продолжуваат потрагата по преживеани од силниот земјотрес што во раните утрински часови на 6 февруари ги погоди источна Турција и Сирија.




Официјални лица велат дека бројот на загинати во двете земји е повеќе од 8.300 луѓе. Спасувачките напори се отежнати од ниските температури и стотиците последователни потреси, кои ја направија работата во нестабилните структури особено опасни.




Турскиот претседател Реџеп Таип Ердоган се очекува денеска да ја посети зоната на катастрофата. „Ова е една од најголемите катастрофи на нашиот регион и светот, не само во историјата на нашата република“, рече тој.




Во Сирија, спасувачката работа е комплицирана поради здравствениот систем и инфраструктурата уништена од 12-годишната граѓанска војна Десетици земји од целиот свет обезбедуваат итна хуманитарна помош, вклучувајќи тимови за пребарување и помош. Турскиот министер за надворешни работи Мевлут Чавушоглу рече дека тимови од 35 земји веќе се на терен. Европската унија обезбеди повеќе од 1.200 спасувачи, вклучувајќи два медицински тима и над 70 кучиња спасувачи.

Земјотреси продолжува да има и во други земји, а утринава е регистриран и во Бугарија.




Според податоците на Националниот сеизмолошки центар при НИГГГ-БАС, земјотрес со јачина од 3,0 степени според Рихтер е регистриран синоќа во подрачјето на градот Садово, Пловдивско во Бугарија, соопшти Геофизичкиот институт на БАН.




Земјотресот се случил во 00:54 часот по бугарско време бил со епицентар на 140 километри од Софија и засега нема информации за материјална штета или повредени лица.

Тажна вест: Замина еден од најголемите во својата професија – почина Ќиро Блажевиќ









Почина Мирослав Ќиро Блажевиќ, легендарниот хрватски селектор и поранешен селектор на фудбалската репрезентација на Хрватска. Тој ја загуби долгата борба со ракот на 88-годишна возраст.




Болеста првпат му беше дијагностицирана во 2011 година, двапати ја победи, но за жал третпат не успеа.




„Тренерот на сите тренери“, како што го нарекуваа во регионот на поранешна Југославија, е роден во Травник, и автор е на еден од најголемите успеси на хрватскиот фудбал и спорт воопшто, светскиот бронзен медал од Мундијалот во 1998 година.




Фудбал играше до 31 година, а ги носеше дресовите на Динамо Загреб, Локомотива, Сараево, Риека и на Сион, а потоа реши да стане тренер во швајцарскиот Мутие.

Тој остана во Швајцарија и ги водеше Вевеј и Сион пред да ја преземе швајцарската репрезентација во 1979 година.




Неговиот подем започна во 1979 година, кога дојде во Ријека, со која стигна до четвртфиналето на Купот на победниците на куповите, каде што беше елиминиран од Јувентус.

Тогаш почна легендата за големиот тренер Мирослав Ќиро Блажевиќ.




Своето име како тренер го прослави со титулата што му ја донесе на Динамо Загреб, по 24 години чекање, во сезоната 1981/82, четврта и што подоцна ќе се покаже како последна титула на шампионот на Југославија. Со „модрите“ следната сезона го освои и пехарот „Маршал Тито“ во Купот на Југославија а подоцна во хрватското првенство освои титула уште два пати (1993 и 2003 година).




Грасхоперс беше под негова палка во сезоната 1983/84 со триумф во првенството на Швајцарија, а во неговите успеси секако може да се вбројат и фактите дека ја задржа Приштина во елитниот фудбалски ранг на СФРЈ и ја внесе и Слобода Тузла во Премиер лигата на Босна и Херцеговина.

ПЛАТИ од 35.000 до 49.000 денари: МАКПЕТРОЛ вработува на повеќе позиции!









Со вкупно 126 станици со современа понуда на производи и услуги, Макпетрол располага со најголемата мрежа од бензински станици во Република Македонија. Покрај тоа, во производите и услужните дејности на нашата компанија имаат доверба и многубројни деловни клиенти, оператори на возни паркови, шпедитерски и транспортни компании, обата македонски аеродрома и индустриски субјекти со различни дејности.




Уште од основањето, повеќе од седум децении, Макпетрол отсекогаш бил предводник во примената на новитетите во погонските горива, во унапредувањето на квалитетот на своите производи, како и во воведувањето на алтернативни погонски горива кои придонесуваат за поголема заштита на животната средина.




На тој начин, во сите овие години ние успеваме да ја задржиме лидерската позиција во дистрибуцијата и прометот со нафтени деривати во Република Македонија.




„Макпетрол“ А.Д. – Скопје распишува ОГЛАС за вработување во повеќе сектори на следните работни позиции:




Програмер
ПЛАТА: 33.500 денари
линк за повеќе детали и аплицирање




Систем програмер
ПЛАТА: 49.000 денари
линк за повеќе детали и аплицирање




Електричар во Одделение за електро одржување во Дирекција за одржување
ПЛАТА: 30.000 денари
линк за повеќе детали и аплицирање

Див запад: Продавница, казино и две коли изрешетани од куршуми на „Бутелска“









Див запад: Продавница, казино и две коли изрешетани од куршуми на „Бутелска“




Казино, продавница и два автомобила биле оштетени од куршуми за кои полицијата вели дека се залутани, на улицата „Бутелска“ во Скопје.




Утрово (07.02.2023) во 01.51 часот во СВР Скопје, З.З.(34) од Скопје пријавил дека на улицата „Бутелска” од залутано зрно од огнено оружје било оштетено неговото патничко возило „Сеат Леон” со скопски регистарски ознаки.




Полицајци од Полициската станица Чаир излегле на местото, при што било констатирано дека од залутано зрно било оштетено и патничко возило „Фиат” со скопски регистарски ознаки, сопственост на Х.Н. (24) од Скопје, како и продажен објект и казино“, пишува во полицискиот билтен.




Се преземаат мерки за расчистување на случајот.

(ВИДЕО) Храброст или лудост: Дрвокрадци од Штип сами ја повикуваат полицијата – потоа бегаат









(ВИДЕО) Храброст или лудост: Дрвокрадци од Штип сами ја повикуваат полицијата – потоа бегаат




Храброст или лудост, тоа е главното прашање се поставува, по најновите видеа кои се појавија на социјалните мрежи, а се поврзани со кражби.




Како што се објавува во видеото кое ќе го погледнете на крајот од текстот, дрвокрадци од Штип, откако ја наполниле колата со дрва, сами повикале полиција.




Во истиот момент кога полицијата пристигнува на лице место, автомобилот полн со дрвја започнува да се движи и да бега од полицијата, додека полициските службеници го бркаат.




За сето ова да биде лудо до крај, близок пријател на дрвокрадците го снима целиот тој процес, а потоа истиот го објавуваат на социјалните мрежи.




Видеото е апсолутен хит на социјалната мрежа Тик ток, каде коментарите се најразлични.

(ВИДЕО) Камен ќе заплаче на ова видео: Мало девојче во прегратка го држи својот брат меѓу урнатините во Сирија

Бројот на загинати во земјотресот во Турција и Сирија денеска надмина 6.200 луѓе и се очекува да продолжи да расте, додека пристигнуваат спасувачки тимови и меѓународната помош, а спасувачите по многу студено време со сите сили се обидуваат да извлечат преживеани од под урнатините.




Уништена е голема област што им отежнува на спасувачките тимови да стигнат до уништените градови и населени места, а поради студот се стравува колку долго луѓето ќе можат да преживеат под урнатините.




Турската агенција за управување со вонредни состојби соопшти дека вкупниот број на загинати во земјата надмина 4.500, а околу 26.000 се повредени. Бројот на загинати во областите под контрола на владата во Сирија се искачи на повеќе од 800, додека најмалку 900 се пријавени во областите под контрола на бунтовниците, според „Бели шлемови“, организација која ги води спасувачките операции.




Земјотресот со јачина од 7,8 степени според Рихтеровата скала што рано вчера ги погоди Турција и Сирија, проследен со серија последователни потреси и уште еден голем земјотрес со јачина од 7,5 степени, остави стотици километри уништени области во југоисточна Турција и соседна Сирија. Земјотресот урна илјадници згради, носејќи нови страдања во регионот во кој веќе 12 години се води граѓанска војна во Сирија и е погоден од бегалската криза.




На социјалните мрежи не престануваат да се шират емотивни снимки и фотографии од хоророт што им се случи на илјадници луѓе по катастрофалните земјотреси во Турција и Сирија.




На една од таквите снимки, во сирискиот град Алепо, може да се види 9 годишно девојче меѓу урнатини како во прегратка го држи својот помал брат во обид да го заштити.

Спасувачите се обидуваат да го охрабрат девојчето, кое тивко им одговара на нивните прашања.

error: Content is protected !!