Month: December 2022

Познатиот српски пејач Аца Лукас го прекина концертот во Охрид и на публиката и кажа дека не се чувствува добро и не може да пее.

-Ќе направиме пауза ! “ изусти Аца Лукас синоќа од сцената во еден ноќен клуб во Охрид и после тоа не се врати повеќе да пее.




Неофицијално дознаваме дека на Ликас му била укажана и медицинска помош и тој примал инфузија.




Но ни инфузијата не го „повратила“ и концертот не продолжил.




Пред два дена повеќе медиуми во Србија јавија дека Аца Ликас ги откажал закажаните концерти од здравствени причини, но тој сепак се појави во Охрид.

За да имаат што повеќе енергија во текот на денот и да се разбудат што побрзо, многу луѓе посегнуваат по кафе веднаш по будењето.

Покрај тоа што ја зголемува концентрацијата и дава сила за задачите во денот, овој мал ритуал повеќето го сакаат да се релаксираат и размислуваат во тишина.




Одамна е познато дека дозата на кофеин што ја внесуваме преку оваа навика го зголемува нивото на адреналин, а со тоа се зголемува пулсот и крвта побрзо тече низ телото. Во исто време, спречува допаминот да се реапсорбира во системот, така што тој останува подолго во мозокот. Ова е главната причина зошто се чувствувате толку позитивно и среќно.




Меѓутоа, после таа среќа и позитивност доаѓа желбата и потребата за повеќе кофеин, а вака се однесува телото во првите шест часа по утринската шолја кафе.




Во првите десет минути од пиењето на утринското кафе, кофеинот влегува во крвта и почна да се шири низ вашето тело. Крвниот притисок се зголеми како и отчукувањата на срцето. Почнувате малку да ја чувствувате енергијата.

По околу 20 минути, кофеинот се врзува за рецепторите на аденозин и на тој начин го отстранува заморот, односно ве буди. Имате чувство дека сте подготвени за сите обврски кои ве очекуваат. Исто така, како што нивото на допамин се зголемува и се задржува во мозокот, концентрацијата потребна за работа или факултет се зголемува.




Половина час откако сте испиле доза на кофеин, вашите надбубрежни жлезди почнуваат да создаваат повеќе хормони. Во овој процес, зениците се шират, па видот станува поостар. Во овој момент имате најмногу енергија, најдобра концентрација и се чувствувате многу позитивно.




Веднаш штом 10 минути после тоа, телото почнува да произведува повеќе серотонин, што го подобрува функционирањето на невроните во ‘рбетниот мозок – ова води до подобрување на координацијата и мускулната сила. Доколку имате можност, а вашите дневни обврски се уште не се пристигнати, ова време би било идеално да го искористите за тренинг.




Цели четири часа по првото кафе, метаболизмот се забрзува, поради што побрзо согорувате енергија. Во овој период, вашето тело почнува да ги разградува складираните масти.

Шест часа после тоа, кафето поминало низ телото, околу половина од кофеинот го нема и може да почнете да чувствувате потреба за уште една шолја.

Видео: Како изгледаше просторот пред изградбата на модерниот пазар во Кисела Вода




Општина Кисела вода конечно доби модерен пазар од затворен тип за првпат од своето постоење, а градоначалникот Орце Ѓорѓиевски објави како изгледал просторот пред да почне изградбата.




На истото место претходно имаше див пазар кој не ги исполнуваше основните санитарни и хигиенски услови, меѓутоа тоа се промени со изградбата на модерниот пазар.




– За нас, нека говорат делата!, напиша Ѓорѓиевски.

НБА лигата е во шок по големиот инцидент што се случи на натпреварот помеѓу Детроит Пистонс и Орландо Меџик. Детроит победија со 121:101, а натпреварот го обележа тепачката која се случи во финишот на првото полувреме.




Се започна кога Мо Вагнер, градејќи ја топката да излезе надвор, го закачи Килијан Хејс кој заврши меѓу соиграчите од клупата. Кога стана, играчот на Детроит го удри со тупаница Вагнер во задниот дел од главата. Кошаркарот на Орландо падна на паркетот, на момент остана без свест.




Во тој момент играчите од клупата на Орландо влетаа на теренот, настана мешаница, но без дополнителни инциденти. Кога ситуацијата се смири судиите ги исклучија Вагнер и Хејс, а во соблекувалната го испратија и Хамидо Диало и тренерот на Детроит Двејн Кејси.




НБА лигата покрена истрага против Хејс, кој се соочува со жестока казна, бидејќи удри противнички играч во ситуација кога тој му беше свртен со грб.

PISTONS-MAGIC MAYHEM ?

Moe Wagner shoved Killian Hayes into the Pistons bench.

Hayes retaliated by punching him in the back of the head and Wagner appears to lose consciousness. pic.twitter.com/bwrHq1qKmY

— ClutchPoints (@ClutchPointsApp) December 29, 2022

Советот на Град Скопје денеска не ја усвои одлуката за доделување субвенции на ЈСП „Скопје“ од 12 милиони евра и со тоа од први јануари ќе нема пари за да може да возат автобусите.




На денашната седница, како точка на дневен ред предложена од градоначалничката Данела Арсовска беше доделување субвенции на ЈСП во висина од 12 милиони евра за да може претпријатието нормално да работи.

Се предвидуваа 130 милиони денари или 2,1 милион евра за бесплатен превоз на пензионери и студенти, 550 милиони денари или 8,9 милиони евра за нормално работење и надминување на потешкотиите во работењето и еден милоион евра за системот за интелигентна наплата.




Но, оваа одлука не беше изгласана, бидејќи советниците од ВМРО-ДПМНЕ кои го имаат мнозинството и вчера го изгласаа буџетот сега не гласаа „за“. Со тоа, од први јануари ќе нема пари за Скопје да има автобуски превоз, ќе нема пари да се плати гориво и да се поделат плати на вработените.




Советниците од ВМРО-ДПМНЕ рекоа дека станува збор за голема сума пари, а тие немаат никакви информации како тие се трошат.




„Никој не знае каде и како ќе се потрошат овие пари. Сите гледаме дека кај трите најголеми добавувачи два месеца не се исплатени пари, па кај кого одат парите кои ги добива претпријатието? Затоа ние предлагаме да се намалат парите односно да се дадат субвенции потребни за месец јануари. Па откако ќе добиеме дополнителни информации, ќе знаеме дали им се потребни навистина толку пари односно над 10 милиони евра. ЈСП станува буре без дно, а никој не ни кажува ништо, не се почитува Советот, се навредуваат советниците, возниот ред не се почитува, граѓаните се незадоволни од јавниот превоз. Оттука се поставува прашање зошто ние би дале толку пари?“, рече советникот од ВМРО-ДПМНЕ Стефан Андоновски.




Советниците од СДСМ рекоа дека тие како опозиција во Советот ќе гласаат воздржано како и досега, бидејќи цела година ниту од градоначалничката Данела Арсовска ниту од претпријатието и директорот немаат добиено ниту еден одговор во врска со јавниот превоз и состојбата во претпријатието.




Градоначалничката Арсовска кажа дека ако советниците не ја усвојат оваа одлука за субвенционирање, Скопје ќе остане без јавен превоз и ги молеше советниците да ја гласаат одлуката.




„По неизгласувањето на оваа одлука, од 1 јануари нема да има бесплатен превоз за пензионери и за студенти. Нема да има пари за надминување на потешкотиите во работењто предизвикани од економската и енергетската криза и зголемените трошоците за гориво кое е основно средство за да работи претпријатието. Ако не се изгласа одлуката се доведува во прашање дали ќе има јавен превоз. Да не се чудат граѓаните, од први јануари може да немаме трајно јавен превоз оти овие советници за првпат не дадоа поддршка за субвенционирање на ЈСП. Ве молат, треба да размислиме малку подалеку од меѓусебните кавги, политички препукување и тоа што не ви се допаѓа директорот. Да не ги оставиме граѓаните без превоз, ве замолувам да гласате. Понатаму оставам на вашата совест, а граѓаните ќе проценат кој ги оставил без автобуски превоз“, рече Арсовска.

На крајот оваа одлука не беше прифатена, бидејќи за неа гласаа само 18 советници, што не беше доволно за да помине.

СЕКОЈА ЧЕСТ: ОВОЈ министер од Македонија ги донираше дневниците од службени патувања на децата без родители




Навистина ретко, ваков пример не се гледа често. Секоја чест за овој министер од Македонија!




Министерот за внатрешни работи Оливер Спасовски организираше дружба со децата без родители од домовите 25 Мај и 11 Октомври во Полицискиот центар Ѓорче Петров, каде со специјалите единици на МВР податија новогодишни пакетчиња за децата.




Посебно беа израдувани децата од страна на министерот Спасовски со донацијата која тој ја врачи на директорките на двете установи.




Станува збор за донација на севкупните дневници од одтварени службени патувања на Спасовски за 2022 година.

Вредната донација е наменета за купување на две клима уреди за користење во домовите.

Пејачката Живка Спасиќ, учесничка на натпреварот „Никогаш не е доцна“, почина по битката со пеколната болест на 66-годишна возраст.




Нејзиниот син ја потврди тажната вест за медиумите, додека бројни колеги, другари од шоуто и пријатели на социјалните мрежи се збогуваат со Живка и испраќаат пораки за поддршка на нејзиното единствено дете во ова тешко време.




– По долга и тешка борба, мајка ми се пресели на поубаво место. Датумот и местото на погребот ќе бидат објавени подоцна – изјавил нејзиниот син Воислав, пренесува „Гранд“.




Живка водеше долга битка со ракот на белите дробови, кој дури двапати се враќаше, а неодамна за Гранд зборуваше за тешкиот период и хемотерапијата.




– Пред пет години успешно оперирав рак на белите дробови. Меѓутоа, сега тој се појави на истото место и јас повторно почнав да се борам. Тешко ми е да поднесам се, но не дозволувам да губам срце. Не се откажувам, човек треба да се бори до крај, бидејќи без тоа нема живот – истакна Живка летово и додаде дека засега тешко и оди со сите терапии, но не дозволи да падне во секој момент.




– Се е измешано. Не е лесно, има болки, мачнини, косата ми падна веќе после дванаесеттиот ден, но тоа е помалку важно. Како што велат, косата е најмалиот проблем – изјави тогаш пензионираната професорка.

Водата за пиење во Скопје е безбедна и микробилошки исправна, соопшти денеска Јавното претпријатие „Водовод и канализација“’ – Скопје, беше објавено пред два дена, на 26-ти декември оваа година. Сепак, според дел од информациите – не е така?!




Според неделниот извештај за квалитетот и безбедноста на водата за пиење добиен од анализите спроведени во Секторот за санитарна контрола, направени од 19 до 23 декември 2022 година, сите анализирани примероци одговраат на Правилникот за барања за безбедност и квалитет на водата за пиење.




За анализа биле земени 189 примероци за физичко-хемиска и 189 примероци за микробиолошка анализа на вода за пиење од 49 мерни места во Град Скопје – објавија пред два дена официјалните институции.




Сепак, во главниот град се погласни се шпекулациите дека водата од водовот не треба да се пие, односно дека има наводно некоја бактерија. Сето тоа официјално не е потврдено.




На овие муабети дополнителен „оган“ им додаде и новинарот Јанко Илковски или познат како „Јанко јади бурек“, кој пред неколку моменти постави интересно прашање:




Дали е точно дека на дипломатите кои доаѓаат во Македонија и претстојуваат во Скопје им советуваат да не пијат вода од водовод?




(зависно од одговорите следуваат други потпрашања #jegunovce?), пишува Јанко.

Дејан Пантиќ вечерва ќе биде со семејството, изјави на вонредна прес-конференција директорот на Канцеларијата за Косово и Метохија, Петар Петковиќ.




Српскиот претседател Александар Вучиќ на разговор со политичките претставници на Србите од Косово и Метохија побарал од нив да се повлечат од барикадите на северот на Косово и Метохија, тврди Петковиќ.




Според него, Србите од Косово и Метохија нешто по 19 часот ќе се сретнат со претседателот Александар Вучиќ на административната линија, по што ќе се знае нивната одлука.




Тој посочи дека Курти сега ќе ги гони судиите.

Вучиќ силно се борел за секој збор, секоја запирка и секоја буква за да го зачува мирот, тврди Петковиќ.




-Стигнаа гаранции, добивме соопштение од САД и ЕУ во кое јасно е исполнето второто барање поставено од Србите, каде најважниот дел е да се потврди дека нема списоци за апсење на Србите од Косово и Метохија за учество на мирни протести и на барикадите. Вучиќ до последната буква се бореше зборот „барикада“ да биде таму.

Знаеме на што е подготвен Курти, сега со оваа изјава апсолутно можам да потврдам дека нашите луѓе кои беа на барикадите се заштитени, нема да бидат прогонувани и апсени. Тоа е голема победа за српскиот народ на Косово и Метохија и за Вучиќ, кој застана покрај својот народ и кога беше најтешко – рече Петковиќ и додаде:




– Третиот елемент од барањата на Србите од Косово и Метохија ги опфаќа гаранциите издадени од КФОР, што јасно потврдува дека КБС не може да оди на север на Косово и Метохија без претходна согласност на командантот на КФОР и четворица градоначалници, т.е. претставници на заедницата од северот на Косово и Косово. Тоа е сосема нова изјава и станува избор на формално и материјално право. Таков договор е.

Никола Недељковиќ, кој помина шест месеци во притвор под обвинението на Приштина за „поттикнување етничка омраза и нетрпеливост“, денеска беше пуштен, а пред затворот го пречекаа неговите роднини, објави Косова онлајн.




Тој изјави дека е среќен што е на слобода и дека во затвор бил само затоа што е Србин.




„Не сакам да коментирам за деновите поминати во затвор, среќен сум што конечно сум со семејството. Во моментов немам никакви планови. Најважно е што ова е готово, можам конечно да си одам дома со моето семејство, за се друго има време.Би сакал да им се заблагодарам на сите луѓе кои се со мене и моето семејство од првиот ден. Можам да кажам дека сум среќен, Ако поради нешто требаше да бидам еден ден во затвор, нека биде затоа што сум Србин и затоа бев во затвор“, рече Никола.




Слободанка Недељковиќ, мајката на Никола, им се заблагодари на сите што беа со нив и ги поддржаа како што рече кога беше најтешко.




И полицаецот Дејан Пантиќ, поради чие апсење Србите пред 19 дена подигнаа барикади на северот од Косово, ќе биде пренесен во домашен притвор, одлучи судот во Приштина.




Неговото ослободување е прво од барањата на Србите. На 10 декември Пантиќ беше уапсен на административниот премин Јариње додека ги извршувал приватни обврски. Во знак на поддршка 50-тина Срби вчера со камиони и трактори го блокираа патот во близина на преминот Мердаре на источната граница на Косово. Министерот за одбрана на Србија рече дека Србија не се заканува со празен пиштол и е подготвена да го брани суверенитетот.